17/1/19

O pano do desastre



Resultado de imaxes para la isla de abel



Abel  ten todo o que calqueira rato poida desexar: está casado con unha ratiña marabillosa,vive nunha casa fantástica, os mellores amigos e moita cultura. Pero un día, nunha tormenta, o vento leva o pano da súa esposa e salta a buscalo, coa mala sorte de que a forza da tormenta o arrastra moi lonxe. Un rio arrástrao a unha illa, onde terá que aprender a sobrevivir sen as comodidades ás que está acostumado.

O primeiro que me chamou a atención deste libro foron as ilustracións, que me pareceron moi semelleantes ás de Quentin Blake, ilustrador dos libros de Roald Dahl (Matilda, Charlie e a fábrica de chocolate...), e de feito pensei que eran súas, pero eran do autor, William Steig.

Xa en canto á narración, houbo varias cousas que non me convenceron: o primeiro é o comezo da historia, aínda que se trate dun libro de nenos, pareceme un pouco absurdo, porque se hai unha tormenta e eres tan pequeniño, non saltas a por un pano que podes volver mercar, resgárdaste para poder sobrevivir. Outra cousa que non me gustou foi o enorme ego do rato, porque case todo o tempo está a dicir o moito que debe estar facendo sufrir á súa esposa e aos seus amigos, que o adoran tanto e que non poden vivir sen el, e no intelixente e fantástico que é, porque só a el se lle ocorren as xeniais ideas que ten para saír da illa (e ademais de que o narrador o apoia e lle da a razón, cando debería ensinar aos nenos que o lean de que esa forma de ser non é a adecuada). 

A parte disto (que quizais so sexan porque teño manías literarias ou porque o libro e da primeira metade do século pasado e eran dun xeito diferente), hai cousas da historia que non están de todo mal, aínda que dende logo non é un libro que eu lería se fose máis pequena.

8/12/18

Cando as árbores falen


Imaxe relacionada

Melinda é unha adolescente diferente a todas as do seu instituto: está sempre soa, non lle gusta facer nada, ten problemas na casa e parece estar sempre deprimida. Melinda antes tiña amigas, e era unha boa estudante, pero algo pasou unha noite do verán anterior que a marcaría para sempre, e que debe contar para lograr por fin volver á vida normal.

En Cuéntalo, de Laurie Halse Anderson, o tema central, a parte de ser ovbiamente o que lle sucede a Melinda, é como se enfronta ela a todos os que o rodean, como trata a todas esas presoas que non a comprenden, que a marxinan e a ignoran. É dificil desfrutar novela gráfica (adaptación do libro orixinal ao cómic), porque a pesar de ser "bonita", é moi realista e bastante dura, e o feito de estar tan ben contada faina máis dura aínda, e a maior parte do tempo estás pensando e reflexionando sobre todo o que pasa. As ilustracións completan moito o libro, xa que fai que vexamos máis claras as emocións de Melinda no xeito en que están debuxadas as viñetas. A pesar de ser un libro bastante bo, en ocasións ten algún que outro fallo estrutural, e pasa dunha escena a outra sen que quede moi claro que pasa no medio, pero non é un gran erro a destacar.
Un libro obligado para entender mellor como se sinten as vítimas de abuso, e para ver que é o que os demais podemos facer para que cousas como estas non pasen na realidade. 



23/11/18

Harry Potter e o debate filosófico


Resultado de imaxes para harry potter y la filosofia

Nos libros de Harry Potter atopamos varios temas que merecen unha análise máis profunda, e este libro trata unha gran maioría, dende o punto de vista da filosofía, formulando preguntas e tratando de darlles unha resposta. Harry Potter y la filosofía fala de temas moi diversos, como o feminismo, o patriotismo, o amor e a política, relacionándoos coa saga de J.K Rowling.

Se ben a filosofía pode resultarlle confusa e complicada a algunhas persoas, este libro en concreto non o é, xa que os temas que se tratan e o punto de vista dende o que se explican fai que enganche máis e se descubran moitas cousas que, se nos paramos a pensar, teñen moito sentido. Un libro relamente interesante e instructivo 100% recomendable para os que, coma min, son Potterheads e nunca se cansan de ler as aventuras do neno que sobreviviu.

2/11/18

Páxinas violetas

Imaxe relacionada


Nuria Varela presentanos a historia do feminismo e das mulleres máis importantes e influíntes deste movemento. É un libro moi completo e acompañado das ilustracións de Antonia Santolaya que fan que non sexa solamente unha morea de datos condensados en 200 páxinas.
A pesar de que nalgún momento pode facerse algo árido, é algo irrelevante, xa que deste libro apréndese moito sobre as loitas das mulleres que querían cambiar o mundo, e que lograron convertilo no que é agora, aínda que siga habendo que facer moitos cambios. 
Como indica o título, é un libro para aqueles que non están moi familiarizados co feminismo ou para aqueles aos que simplemente lles interesa e queren saber máis sobre o empoderamento das mulleres.
En definitiva, un libro totalmente recomendable, sobre todo para os que siguen pensando que o machismo non existe.

15/10/18

Fóra do Normal de María Reimóndez


Unha crítica á sociedade actual bastante boa. Ambiéntase nun instituto como calquera outro, no que hai un alumno transxénero, que é despreazada polos seus compañeiros debido á súa orientación,  polo que quizáis te poidas sentir identificado ou identificada nalgún momento. Se tivese que destacar algún aspecto que non me gustou do libro sería a rapidez ca que acontecen as cousas, pero é unha lectura moi lixeira e sinxela.
Aquí vos deixo un enlace a unha entrevista da autora, María Reimóndez:

10/10/18

De maxia escura e maxia branca.






Unha viaxe no tempo ao Londres de finais do século XIX, cando Jack o Destripador atormentaba aos habitantes da cidade. "A Balada dos unicornios" de Ledicia Costas conta a historia de Ágata McLeod, unha xoven e valente inventora que vive baixo o mandato da súa cruel tía Cornelia na Escola de Artefactos e Oficios, que é o seu fogar dende a desaparición de seus pais. Cando a vida  de León, o mellor amigo de Ágata, pende dun fío, esta decide emprender un longo e perigoso viaxe hacia á cova do ermitán para salvalo, coa dificultade engadida de que un malvado asasino sen escrúpulos a persegue. Ágata contará coa axuda de Nuno, o irmá de León, e o robot da súa creación, Tic-Tac, e co apoio secreto da raíña albina Wendy. 
A pesar de ser unha historia bastante boa e dende logo orixinal, en ocasións  resulta algo brusca e non moi recomendable para as persoas moi sensibles ou para aqueles aos que non lles agraden as escenas de asasinatos algo violentos. Tamén é verdade que ao comezo do libro atopamos algúns "valeiros" informativos e a acción comeza algo rápido (aínda que iso depende das manías literarias  de cada quen) e hai cousas que ao principio non quedan moi claras.
Se olvidamos esa parte, polo demais é unha novela xuvenil interesante e que engancha, con, inventos moi imaxinativos que a moitos nos gustaría poder ter, toques fantásticos, dous bandos enfrontados e moitas sorpresas engadidas.
Ah, e se queredes descubrir porque o libro se chama así, só tedes que lelo.

28/4/18

Encontro virtual con Ledicia Costas



Onte, o alumnado de 4º, 5º e 6º de EP tiveron a sorte de visitar a Ledicia Costas na súa casa de Vigo. E non foi preciso desprazarse en bus nin tampouco abarrotarlle o seu tranquilo fogar con decenas de rapaces. Foi grazas a un milagroso invento, coma eses que argallaba Miss Bubble, o Skype, que sen saír do noso cole puidemos charlar un anaquiño con ela.

Non era moi vistoso o noso equipo audiovisual, pero o importante é que funcionou á perfección 😉

Ledicia entrou así tamén no noso cole e nos nosos corazóns, a través dunha pequena cámara web, unha pantalla e un micrófono. Unha experiencia diferente, que permitiu á rapazada que devorara con entusiasmo os seus libros, coñecela en persoa e facerlle todas as preguntas que quixeron (algunhas incluso algo persoais, jeje).

Se xa estaban namorados dos seus relatos, cremos que, despois desta experiencia, o están tamén do seu engado.

Aclaroulles todas as súas dúbidas sobre Escarlatina e A señorita Bubble, presentoulles o seu último relato, As peripecias de Extravaganzza Pérez, contoulles por que decidiu novelar o paso de Jules Verne pola cidade de Vigo na súa novela Jules Verne e a vida secreta das mulleres planta, e tamén lles contou que estudiou Dereito porque non existía unha carreira para ser escritora, porque iso foi o que sempre quixo ser, dende que era moi nena.



Moitísimas grazas, Ledicia por dedicarnos un anaco do teu tempo, que ben sabemos o atarefada que anda visitando coles e falando con cativos e cativas de toda Galicia.



AVISO AOS PEQUENOS LECTORES:
 XA TEMOS NA BIBLIOTECA AS PERIPECIAS DE  EXTRAVAGANZZA E OS ARQUIVOS SECRETOS DE ESCARLATINA.
BULIDE A POR ELES!!



16/4/18

A AUGA NA NOSA LITERATURA ORAL


Continuamos co noso Proxecto Auga e, despois da marabillosa resposta ao noso concurso de Fotografía sobre auga queremos pedirvos de novo participación para realizar unha escolma de literatura de tradición oral relacionada coa auga, os ríos, os muíños, a chuvia, ....

Estades todos convidados, alumnado e profesorado do centro así como familias, amigos e veciños, a botarnos unha man nesta fermosa tarefa de recompilar cantigas, ditos, refráns e contos relacionados coa auga e así axudarnos a conservar ese fermoso patrimonio.

Con todos os textos recollidos así como unha selección de fotos, editaremos un libro do que, entre todos, seremos autores.

Escoitade, por exemplo, estas dúas cantigas que unha veciña de Cabanas cantou para nós:


Fermosas, non si?

Pois agora queremos que sexades vos quen nos ensinedes esas pezas que cantan ou contan os vosos maiores.

  • Podedes gravala en vídeo ou en audio co voso smartphone.
  • ou simplemente copiala, se os vosos informantes non queren ser gravados.
So tedes que cubrir unha ficha como a que vos proporcionaremos na clase (e que tamén podes descargar neste enlace) e seguir estas sinxelas instrucións para facer a recollida.

Podes recoller na biblioteca todas as copias que precises e tamén toda a axuda e colaboración para facer a túa recollida.

PASEN E VEXAN