Os alumnos e profes de ESO celebramos o Día do Libro con moito ritmo, porque non hai mellor espazo para o encontro, a convivencia, a aprendizaxe, a amizade, a emoción e a creatividade que unha biblioteca escolar.
23/04/13
BIBLIOTECA PARTICULAR
Queremos hoxe rendir homenaxe ao Libro, ese máxico obxecto que en canto te atrapa non te deixa libre, cun poema de José Manuel Caballero Bonald, poeta gaditano que ven de recibir premio Cervantes 2012.
Comparecen los libros en lugares
anómalos, se juntan
con indolente asimetría:
un
tropel
de vestigios locuaces,
pendencieros, irresolutos, lerdos.
He pugnado con ellos
durante muchos años: los he visto nacer,
durar, languidecer. Han resistido
intemperies, saqueos, turbamultas.
Algunos llevan dentro
la ponderada prueba de mi envidia,
los más el distintivo
incorregible de la decepción.
Mi error fue abrir un día un libro.
23/02/13
ILUSTRADORES, CONTISTAS E CANTANTES
Tiñamos unha débeda con vos...
Por fin aquí tedes a reportaxe gráfica da sesión de Contacontos coa que os alumnos de 1º e 2º de ESO deleitaron aos máis pequerrechos de Educación Infantil no mes de decembro.Como actividade complementaria da materia de Lingua Castelá e Literatura, os alumnos de ESO escribiron e ilustraron fermosos e divertidos relatos que logo quixeron compartir cos xuices máis esixentes, os nenos e nenas de Infantil.
Polas súas caras de atención, podedes comprobar que lles gustaron, e moito.
E como premio ao seu esforzo, ademáis dun aplauso, unha fermosa canción.
Pinchade na foto para ver a reportaxe completa!
13/02/13
AMOR EN TEMPOS DE CRISE
Última hora!
Debido aos incesantes recortes no seu orzamento para frechas namoradizas, afectado intensamente pola crise económica, desanimado, triste, desmotivado ... o deus Cupido ven de facer pública a súa intención de facer folga de frechas caídas o día de mañá, 14 de febreiro.Publicamos urxentemente este aviso para comunicarvos, namorados e namoradas, que non poderedes facer uso dos seus servizos.
É por iso que haberá que buscar outras alternativas para conquistar os corazóns dos vosos amados ou simplemente para mostrarlles o voso cariño sincero: as palabras de amor.
Bulide a por elas á biblioteca, poden esgotarse, a súa cotización en bolsa está a se elevar e comezan a escasear nas tendas!!!
26/01/13
A LITERATURA INFANTIL E XUVENIL NA REAL ACADEMIA GALEGA
Esta semana, todos os que amamos a literatura infantil e xuvenil na nosa lingua estamos de festa, pois a nosa queridísima Fina Casalderrey ven de ser nomeada numeraria da Real Academia da Lingua Galega.
Por primeira vez unha autora de literatura para nenos e mozos vese recoñecida nesa institución, e esperamos que non sexa a última.
Se facedes unha sinxela busca no noso catálogo, comprobaredes que son moitísimos os títulos que coñecedes desta grandísima escritora, títulos que, de seguro vos deixaron pegada, pois ela sabe, coma poucos, chegar aos nosos corazóns para facernos rir, chorar e emocionarnos...
Ela cociña as palabras para construir historias, as veces moi duras, outras tenras e riseiras. E faino con tanto mimo coma a masa de cada empanada que prepara na cociña do seu fogar. Iso é o que fai únicas cada un dos seus relatos.
Dende a nosa Biblioteca Escolar, Noraboa, querida Fina, e moitas grazas por todas as túas fermosas historias!!!
17/12/12
AGASALLA LECTURA ESTE NADAL
Un ano máis, a biblioteca escolar quere:
- animar a grandes e pequenos a incluír lecturas e xogos educativos nas súas listas de desexos
- animar a pais, nais e profes a pasarse pola súa librería preferida e escoller alí os seus agasallos de Nadal. Alí atoparedes tantos libros fermosos coma persoas especiais hai nos vosos corazóns.
Esperamos que vos gusten!
Ademáis, se pinchades na imaxe poderedes acceder ás recomendacións de moitas bibliotecas de outros coles e institutos galegos: 01/12/12
LA CIUDAD TRANSPARENTE
Hai uns meses a revista semanal do xornal El País publicou unha breve reseña sobre literatura infantil e xuvenil que nos chamou a atención. Titulábase así: Atrapados por la lectura, e recollía cinco recomendacións de expertos en literatura infantile xuvenil. Cinco libros que están "fora do catálogo escolar" pero que eles consideran que poden convertir aos rapaces en apaixoados da lectura de por vida.
De seguida buscamos no noso catálogo... Algúns ocupaban xa hai tempo os andeis da nosa biblioteca sen que tivésemos notado ningún efecto ... pero outros, non. Había que remedialo!
De seguido acudimos ao noso libreiro de cabeceira, encargamos os exemplares e procedimos á súa ávida lectura en busca desa fórmula máxica.
Hoxe vos presentamos a primeira desas lecturas adictivas: La ciudad transparente, de Ana Alonso e Javier Pelegrín (non deixedes de visitar o seu blog).
Trátase dunha interesantísima novela gráfica ilustrada por Pere Ginard que nos traslada a un verosímil mundo futuro no cal as vidas dos cidadáns forman parte dun espectáculo televisivo. Unha sociedade na cal o triunfo consiste en acadar os maiores éxitos de audiencia e na que as vidas "privadas" están escritas e dirixidas por guionistas profesionais, expertos en proporcionar ao público o que desexa en cada momento.
O protagonista da novela é un mozo, Jason, unha estrela nese mundo transparente, que representa á perfección os guións que Minerva, a súa guionista, lle envía cada día. Sabe desenvolverse nese "negocio" e, a pesares de que bota en falta algo de liberdade á hora de elexir as súas parellas, considérase un afortunado e saborea feliz o seu éxito.
Pero un bo día as cousas comezan a cambiar, os novos guións que recibe desvélanlle unha realidade oculta coa que non contaba, e Minerva deixa de comunicarse con el. A súa vida xa non está escrita e terá que afrontar el só o reto de actuar sen ninguén que o dirixa.
É verdade que a novela "engancha" dende o comezo. Ademáis, os fragmentos gráficos aportan, dun xeito moi orixinal, toda a información paralela que, nun principio, tanto confunde ao protagonista pero que acabará aportándo, a el e aos lectores que o acompañan, as chaves para o desenlace final.
Estamos desexando que a leades e, sobre todo, que nos digades se, efectivamente, a súa lectura vos provocou unhas irrefreables gañas de seguir lendo. Se é así, non vos reprimades, temos na biblioteca outras obras destes autores como: El secreto de If, Tatuaje o Versos piratas, piratas en verso.24/10/12
ATERRORÍZANOS
Chega novembro,
tempo de Samaín,
de falar cos defuntos,
de comer castañas
e
de escoitar relatos estarrecedores
ao carón do lume dunha lareira,
ou xunto ao radiador.
Anímaste a aterrorizarnos co teu propio relato?
Pois participa no noso:
I Concurso de relatos terroríficos
BASES:
- Organizador do concurso
- Condicións para ser participante:
- Poderán participar no concurso todas as alumnas e alumnos de Educación Secundaria, quedando excluídos os lectores morosos, é dicir, aqueles que non teña devoltos ou renovados os libros de préstamo no momento en que comece o concurso.
- Os traballos poderán ser escritos en lingua galega, castelá, inglesa ou francesa sempre e cando sexan respectadas as normas ortográficas e morfolóxicas de dita lingua.
- O tema dos relatos será de terror ou misterio.
- Os textos deben ser orixinais, calquera tipo de copia ou plaxio, de demostrarse, suporá a automática descualificación do seu autor.
- Os membros do xurado poden deixar o premio deserto.
- Datas de comezo e remate
- O xurado
- Funcionamento do Concurso
- Premios
- 1º e 2º de ESO
- 3º e 4º de ESO
- Publicación dos relatos gañadores
Esperamos, arrepiados, os vosos relatos...
Suscribirse a:
Entradas (Atom)
PASEN E VEXAN
