MOSTRA DE POSTAIS PARA O NADAL

A pesares de que andamos todos enganchados ao Whatsap...

A quen non lle gusta recibir unha fermosa postal de Nadal?

A pesares de que todos sabemos que Papá Noel vive en terras polares

Quen non prefire unha postal decorada coas paisaxes dos nosos bosques, vilas ou cidades?

Atréveste a crear a túa propia postal?

A Biblioteca Escolar e o Equipo de Normalización Lingüística convídanvos a participar na nosa MOSTRA DE POSTAIS PARA O NADAL

• Poderán participar todos os alumnos de Educación Infantil, Primaria e Secundaria.
• Única condición: ser creativo.
• Deberán deseñar e redactar unha postal de Nadal para unha persoa especial e moi querida, en lingua galega.
• O soporte da postal será unha cartolina que lle será entregada polo profesor titor ou calquera dos profesores responsables de biblioteca.
• Por suposto que os alumnos de Educación Infantil e Primaria poderán contar coa axuda das súas familias.
• As postais deberán entregarse na biblioteca antes do 13 de decembro.
• Os traballos estarán expostos durante a semana do 16 ao 20 de decembro nos corredores do centro.
• O  día 20 de decembro os autores das postais expostas poderán recollelas para poder entregalas aos seus destinatarios.