COMECOCOS 2012

Un ano máis poñemos a traballar os vosos cerebriños coa edición 2012 do noso Comecocos!

Nesta ocasión, e por coincidir co mes das nosas letras, a súa temática é exclusivamente galaica.

Xa están os equipos tomando posicións, uns máis adiantados que outros, pero que ninguén desepere, que aínda quedan preguntas por diante e moita neurona que expremer.

Xa sabemos que coñecedes de sobras as bases do concurso pero queremos recordarvos o sistema de puntuación:

1. As preguntas dos luns e venres valen 1 punto.
2. As preguntas dos mércores: Descobre ao personaxe oculto, valen 2 puntos.
3. O preguntón final, que se publicará o luns 28 de maio, valerá 3 puntos.

Un aviso, as nosas intrincadas preguntas pretenden que vos rompades os miolos por atopar a resposta pero sabemos que sodes agudiños de sobra para poder con todas elas. Non vos rindades, e sobre todo, non deixedes de responder a ningunha pregunta ou o voso equipo quedaría descualificado.

Ánimo a todos e que gañen os mellores!