Cada reunión é un motivo para coñecer unha obra clásica da man de cada membro da sociedade: dende as Meditacións de Marco Aurelio ata as novelas das irmáns Bronte. Cada reunión serve para coñecerse mellor, para sentir a calor da amizade, para esquecer a dura realidade, para descubrir maneiras de entender e interpretar un libro e para probar curiosas creacións culinarias coma o pastel de pel de patata.
Rematada a contenda, unha xoven novelista londinense, Juliet Ashton, recibe unha misiva dun dos membros desta curiosa sociedade e decide viaxar a Guernsey a coñecelos.
A través das cartas que recibe e envía Juliet percorreremos as vidas de todos eles, homes e mulleres con inquietudes e formas de vida diferentes, con preocupacións, sufrimentos e emocións diferentes pero con unha paixón común: A LITERATURA.
Unha novela que nos cativa pola súa portada e o seu curioso título e que consigue atraparnos ata o final.
Fermosa lectura para un Club de Lectura.
Tomamos nota do libro. Tal como o presentades parece moi atractivo.
ResponderEliminar