Por fin temos nas librerías o máis recente
Premio Merlín, o
libro I de
Mil cousas poden pasar, a máis recente creación de
Jacobo Fernández.
E ben certo é que antes de facer plans, de soñar ou imaxinar fazañas ou feitos que están por vir hai que recordar esa frase que
Mercurín, un dos portagonistas desta fermosa historia, repite unha e outra vez "
mil cousas poden pasar". Para ben ou para mal o que está por vir non sempre está na nosa man...
Trátase dunha novela coral para pequenos na que dous mundos distantes e contrapostos ("dentro do mar" e "fora do mar") acaban en contacto por mor dunha fermosa, relucente, dourada e sonora
TUBA.
- A tuba que o pequeno Pouco quería facer sonar xunto a súa fermosa Lina,
- a tuba coa que soñaba Hedión, o sepultureiro,
- a tuba que Mercurín e Neda querían regalar ao seu pai, o rei Pindo IV o Tratable
Pero hai moito máis, o río
Inrique, que marcha de viaxe de estudios, o pequeno
Propicio e o seu afán pola limpeza e a orde no camposanto, un porco que quere estudar, un can pastor que prefire ser cocho, un xoieiro que se fai pastor, ... e por enriba de todo, un
AMOR inmenso e indestructible que leva a Lina a buscar sen descanso para recuperar ao seu querido Pouco.
E todo tan ben narrado e tan ben ilustrado que non é posible deixar de ler ata chegar ao final, un final abarrotado de preguntas sen resolver...
Non podemos contarvos máis, só que cando rematedes esta primeira parte estaredes ansiosos por saber cando se poderá ler o
Libro II.
Tampouco podemos negar que sentimos unha gran admiración polo impecable traballo de Jacobo (o primeiro ilustrador que nos visitou no noso
Expocómic 2007) tanto na ilustración coma no cómic, campos nos que non deixa de colleitar merecidísimos premios.
O escritor arousán afincado en Vigo, Marcos Calveiro, acaba de ser galardoado co Premio Lazarillo de Literatura Infantil na modalidade de Creación Literaria.
Todo isto coa minuciosa e traballada reconstrucción de lugares, personaxes e feitos á que nos ten acostumados este brillante autor, a partir das cartas que Van Gogh escribiu aos seu irmán Theo e das pinturas que realizou nese lugar e que Marcos puido contemplar na exposición do Museo Thyssen titulada Van Gogh. Los últimos paisajes.
Este é un dos títulos dunha colección de libros ilustrados, con CD.
